Apni Kismat Azma Kar Dekhna By Mir Hasan Mir 2006

APNI QISMAT AAZMA KAR DEKHNA

TUM AZA KHANA SAJA KAR DEKHNA

KHUD MUNAFIQ KA PATA CHAL JAYEGA

NARA-E-HAIDER(A.S) KAR LAGA KAR DEKHNA

HO AGAR JANNAT ZAMEEN PER DEKHNI

KARBALA EK BAAR JA KAR DEKHNA

ANBIYA KO DEKHNA CHAHO AGAR

HALQA-E-MATAM MEIN AA KAR DEKHNA

TUM KO ZEHRA(A.S) KI DUA MIL JAYE GI

PARCHAM-E-GHAZI(A.S) UTHA KAR DEKHNA

WOH TAU PHIR MOLA ALI(A.S) HAIN HASHR MEIN

MARTABA QAMBER KA AA KAR DEKHNA

CHAND TAARAY DEKHNA CHAHO AGAR

DAAGH MATAM KE SAJA KAR DEKHNA

KHUSHBOO-E-ROOMAAL-E-ZEHRA(A.S) CHAHIYE

ASHQ MAJLIS MEIN BAHA KAR DEKHNA

PANJETAN MEHMAAN KHUD HONGAY ZAKI

FARSH MAJLIS KA BICHA KAR DEKHNA